Divisional Secretariat - Minuwangoda

මිනුවන්ගොඩ ප්‍රාදේශීය ලේකම්තුමියගේ උපදෙස් පරිදි නව යොවුන් වියේ දරුවන් සදහා ඉගෙනුම් කාර්ය සාධනය සාර්ථක කරගැනීම සහ මානසික යහපැවැත්ම පිළිබඳව දැනුවත් කිරීමේ වැඩසටහනක් මිනු / මාරපොල ජාතික පාසලේ දී 2025.02 .07 වෙනි දින එම විද්‍යාලයේදී පවත්වන ලදි.

මෙම වැඩ සටහන උපදේශන නිළධාරී ජේ.කේ.නිමාලි ප්‍රියන්ගනී පෙරේරා මහත්මිය විසින් සන්විධානය කරන ලදී .

විද්‍යාලයේ ගරු විදුහල්පති තුමන්ගේ ප්‍රධානත්වයෙන් නියෝජ්‍ය විදුහල්පතිතුමියගේ සහ අංශ භාර ගුරුමහත්මීන්ගේ සහභාගිත්වයෙන් ශිෂ්‍ය ශිෂ්‍යාවන් 200 දෙනෙකුගේ සහභාගිත්වයෙන් පැවැත්විණි.

පෙ.ව.8.00.සිට පෙ.ව. 11.30 දක්වා මෙම වැඩසටහන පැවැත්විණි.

මිනුවන්ගොඩ ප්‍රාදේශීය ලේකම් කාර්යාලයේ 2025 නව වසරේ ආරම්භය ගරු ප්‍රාදේශීය ලේකම් තුමිය තනූජා රාජකරුණා මැතිණියගේ ප්‍රධානත්වයෙන්  සියළුම ආගමික ආශිර්වාදයන් මධ්‍ය යේ පැවැත්විය. ඒ සඳහා සියළුම මාණ්ඩලික නිල‍්ධාරීන්, කාර් යාල නිලධාරීන්, ග්‍රාම නිලධාරීන්, ආර් ථික සංවර්ධන නිලධාරීන් සහභාගි විය. Clean Sri Lanka තේමාව යටතේ නව රාජ්‍ය සේවයක් ලබා දීමට සියළුම නිලධාරීන් විසින් ප්‍රතිඥා ලබා දෙන ලදී.

මිනුවන්ගොඩ ප්‍රාදේශීය කෘෂිකර්ම කමිටු රැස්වීම 2025.01.28 දින ප්‍රාදේශීය ලේකම් තනූජා රාජකරුණා මහත්මියගේ ප්‍රධානත්වයෙන් ප්‍රාදේශීය ලේකම් කාර්යාලීය ශ්‍රවණාගාරයේදී පවත්වන ලදී. මේ සඳහා පාර්ලිමේන්තු මන්ත්‍රී රුවන්තිලක ජයකොඩි මහතාද සහභාගී විය.

“පොහොසත් රටක් ලස්සන ජීවිතයක්” යන තේමාව යටතේ ක්‍රියාත්මක කෙරෙන රජයේ වැඩ පිළිවෙල අනුව ලොව දියුණු රටවල ජනතාව භුක්ති විඳින ආකාරයේ ඉහළ සමාජ ආර්ථික වටපිටාවක් සහ ජීවන තත්වයක් උරුම කර දීමේ අරමුණින් Clean Sri lanka වැඩ සටහනට සමගාමීව මිනුවන්ගොඩ ප්‍රාදේශීය ලේකම් කොට්ඨාශයේ ජනතාවගේ,

• ගෘහ ඒකකවල ඵලදායිතාව හා ජීවන තත්වය ඉහළ නැංවීම.
• ආකල්ප සංවර්ධනය තුලින් යහපත් සමාජ වටපිටාවක් ගොඩ නැංවීම.
• සමාජීය, පාරිසරික සහ සදාචාරාත්මක පුනර්ජීවනය තුලින් සමාජය උසස් තලයකට ගෙන ඒම සම්බන්ධයෙන් ප්‍රාදේශීය ලේකම්තුමිය විසින් Clean Sri lanka වැඩ සටහන පිළිබඳව පැමිණ සිටි පිරිස දැනුවත් කරනු ලැබීය.

නිවැරදි ක්‍රමවේදයකට ගම් මට්ටමින් නිවැරදි කෘෂිකාර්මික දත්ත ලබා ගැනීමට බලාපොරොත්තු වන බවත්, වසර ගණනාවක සිට තම්මිට, ඉදල්ලවල, කෙටවල ව්‍යාපාරයන්හි කුඹුරු ගං වතුරෙන් යටවන බවත්, ඒ සම්බන්ධයෙන් ඉදිරියේදී ක්‍රියාමාර්ග ගැනීමේ අවශ්‍යතාවය හා පුරන් කුඹුරු වගා කිරීමට අපේකෂා කරන බවත් මෙහිදි සාකච්ජාවට භාජනය විය.

ප්‍රාදේශීය කෘෂිකර්ම කමිටුවට පැමිණ සිටි මිනුවන්ගොඩ, උඩුගම්පොළ, මාබොදල ගොවිජන සංවර්ධන ප්‍රාදේශීය නිලධාරින්, කෘෂිකර්ම උපදේශකරුවන්, පොල් සංවර්ධන නිලධාරින්, අපනයන කෘෂිකර්ම ව්‍යාප්ති නිලධාරි, තාක්ෂණ නිලධාරි(දිස්ත්‍රික් වරිමාර්ග ඉංජිනේරු කාර්යාලය) හා අනෙකුත් රාජ්‍ය නිලධාරින් විසින් තම ආයතනික ප්‍රගතිය ඉදිරිපත් කරනු ලැබීය.

තාක්ෂණය කෘෂිකර්මාන්තයේ ප්‍රයෝජනයට යොදා ගන්නා ආකාරය, IOT තාක්ෂණය තුලින් ස්වයංක්‍රීය ජල සැපයුම් පද්ධති ක්‍රියාත්මක කිරීම, බෝග අධීක්ෂණය, කාලගුණික තත්වයටන්ට අනුව බෝග වලට විශේෂ කටයුතු ක්‍රියාත්මක කිරිම, කීට පාලනය, පසේ ගුණාත්මකභාවය පරීක්ෂා කිරීම හා හරිතාගාර කළමණාකරනය පිළිබඳව දැනුවත් කිරිමේ වැඩ සටහන් ද පවත්වනු ලැබීය.