Divisional Secretariat - Minuwangoda

2026 වර්ෂයට සෙත් පැතීම හා පසුගිය වර්ෂයේ ඇති වූ දිට්වා සුලි කුණාටුව හේතුවෙන් මිය ගිය අය සඳහා පිං පැමිණ වීම මූලික කරගෙන මිනුවන්ගොඩ වැඩිහිටි බල මණ්ඩලය හා සමාජ සේවා අංශය එක්ව 2026.01.02 දින සෙත් පිරිත හා සාංඝික දානය පැවැත් වූ අතර,  ගැබිනි මව්වරුන් 08 දෙනෙකු සඳහා දිවා ආහාරය හා අවශ්‍ය ද්‍රව්‍ය ලබා දීම ද ප්‍රාදේශීය ලේකම් කාර්යාල ශ්‍රවණාගාරයේ දී සිදු විය.

මෙම පිංකම් මාලාව මිනුවන්ගොඩ ප්‍රාදේශීය ලේකම් තනුජා රාජකරුණා මැතිනියගේ ප්‍රධානත්වයෙන් සහ සහකාර ප්‍රාදේශීය ලේකම් තුමියගේ මග පෙන්වීම යටතේ සිදු වූ අතර මාණ්ඩලික නිලධරින් , කාර්යාල නිලධාරීන්  හා වැඩිහිටි සමිති වල සාමාජික සාමාජිකාවන් 250 කට අධික පිරිසක් සහභාගී විය.

මෙම වැඩ සටහනේ සංවිධාන කටයුතු මිනුවන්ගොඩ ප්‍රාදේශීය ලේකම්  කාර්යාලයේ වැඩිහිටි ප්‍රවර්ධන නිලධාරි චතුරිකා ගුණතිලක මහත්මිය විසින් සිදු කරන ලදී.

මිනුවන්ගොඩ ප්‍රාදේශීය ලේකම් යූ.ඩබ්.ටී.යූ. රාජකරුණා මහත්මිය ඇතුළු මාණ්ඩලික නිලධාරින් ප්‍රධාන කොට ගත් සියලුම  කාර්යාල ගත සහ ක්ෂේත්‍ර ගත නිලධාරීන් එක්ව වසරක් පාසා ශ්‍රී පාද වාරය ආරම්භයේදී  උඩමළුව සඳහා ලබාදෙන දානමය පුණ්‍ය කර්ම කටයුත්ත මෙවර ද  දෙසැම්බර් 16 සහ 17 යන දෙදින තුළ තෙවන වරටත් ඉතා සාර්ථක අන්දමින් ක්‍රියාත්මක කරන ලදී .මිනුවන්ගොඩ ප්‍රාදේශීය ලේකම් යූ.ඩබ්.ටී.යූ. රාජකරුණා මහත්මිය ඇතුළු මාණ්ඩලික නිලධාරින් ප්‍රධාන කොට ගත් සියලුම  කාර්යාල ගත සහ ක්ෂේත්‍ර ගත නිලධාරීන් එක්ව වසරක් පාසා ශ්‍රී පාද වාරය ආරම්භයේදී  උඩමළුව සඳහා ලබාදෙන දානමය පුණ්‍ය කර්ම කටයුත්ත මෙවර ද  දෙසැම්බර් 16 සහ 17 යන දෙදින තුළ තෙවන වරටත් ඉතා සාර්ථක අන්දමින් ක්‍රියාත්මක කරන ලදී .මේ සඳහා මිනුවන්ගොඩ ප්‍රදේශීය ලේකම්තුමිය,  මිනුවන්ගොඩ ප්‍රාදේශීය ලේකම් කාර්යාලයේ කාර්යාල ගත සහ ක්ෂේත්‍ර ගත නිලධාරීන් විශාල පිරිසක් සහ ඔවුන්ගේ   පවුල්වල  සාමාජික සාමාජිකාවන්ද මෙම පුණ්‍ය කර්මය සඳහා සහභාගීත්වය සහ දායකත්වය ලබා දුන් අතර මිනුවන්ගොඩ ප්‍රාදේශීය ලේකම්තුමියගේ සංකල්පයකට අනුව වාර්ෂිකව සංවිධානය වන මෙම පුණ්‍ය කර්ම කටයුත්ත එතුමියගේ පූර්ණ අධීක්ෂණය සහ මග පෙන්වීම යටතේ ක්‍රියාත්මක විය.

2026 නව වසරේ රාජකාරි කටයුතු ආරම්භ කිරීම මිනුවන්ගොඩ ප්‍රාදේශීය ලේකම් තනුජා රාජකරුණා මැතිණියගේ ප්‍රධානත්වයෙන් ජනවාරි පළමු දින සිදු කරනු ලැබීය.

එහිදි ප්‍රාදේශීය ලේකම්තුමිය විසින් ජාතික ධජය එසවීමෙන් පසු කිරි ඉතිරවීමේ චාරිත්‍රය සිදු කරනු ලැබූ අතර, එදින පළතුරු පැළ රෝපනය කරන ලදී.

මිනුවන්ගොඩ ප්‍රාදේශීය ලේකම් කාර්යාලයේ බෞද්ධ කටයුතු සමාජයෝජක පූජ්‍ය කළුඅග්ගල සරණසිරි ස්වාමීන් වහන්සේ විසින් කාර්ය මණ්ඩලයටත්, රට වැසියන්ටත් සෙත් පතා  පිරිත් සජ්ඣායනා සිදු කළ අතර, බුරුල්ලපිටිය මීසම් පාලක සුමිත් කුමාර පියතුමන් විසින් සැමට ආශිර්වාද කළ අතර, මුස්ලිම්  ආගමානුකූලව නසුර් දීන් මෞලවිතුමන් විසින් ද ආශිර්වාද සිදු කරන ලදී.

අනතුරුව නව වසරට සුභාෂිංසන එක් කළ ප්‍රාදේශීය ලේකම් තුමිය පසුගිය වසරේ සිදු කරනු ලැබූ ව්‍යාපෘති හා වැඩ සටහන් සාර්ථක කර ගැනීමට දැක්වූ සහයෝගය සම්බන්ධයෙන් සියලු දෙනාට ස්තුති කල අතර, මේ වසරේදීත් එලෙසම කණ්ඩායම් හැඟිමෙන් කටයුතු කරමු යයි ප්‍රකාශ කරනු ලැබීය. පසුව සියලු දෙනා විසින් රජයේ ප්‍රතිඥාව ලබාදුන් අතර, රාජ්‍ය සේවයට මනා කැපවීමෙන් කටයුතු කරන බවට ප්‍රකාශ කරන ලදී.

මෙම අවස්ථාවට කාර්යාලයේ සියලුම නිලධාරීන් සහභාගී විය.

මිනුවන්ගොඩ ප්‍රාදේශීය ලේකම් කාර්යාලය මඟින් සංවිධානය කරන ලද දීපාවලී උත්සවය 2025.11.07 දින  ඉතා සාර්ථක අන්දමින් කාර්යාලීය ශ්‍රවණාගාරයේදී පවත්වන්නට යෙදුණි.  මෙම උත්සවයේ ප්‍රධාන ආරාධිත අමුත්තා ලෙස අනුර විජේසිරි මැතිතුමා සහභාගී වූ අතර,  මිනුවන්ගොඩ ප්‍රාදේශීය ලේකම් යූ.ඩබ්ලිව්.ටී.යූ. රාජකරුණා මැතිණියගේ පූර්ණ අධීක්ෂණය සහ මඟ පෙන්වීම යටතේ  මෙම වැඩසටහන ඉතා සාර්ථකව පවත්වන ලදී .

ප්‍රාදේශීය ලේකම් කාර්යාලයේ සියඵම මාණ්ඩලික නිලධාරින්,  බටපොත සහජීවන සංගමයේ නිලධාරින් හා කාර්යාලයේ සියළුම අංශ නියෝජනය කරමින් නිලධාරීන් මෙම අවස්ථාවට සහභාගී විය.

හින්දු ආගමික චාරිත්‍ර වාරිත්‍ර බටපොත සහජීවන සංගමයේ  එස්. ලතාශ්වරි  මහත්මිය, විසින් ඉටුකරන ලදී.  කාර්යාලීය සියළුම අංශ නියෝජනය කරමින් නිලධාරීන් විසින් විචිත්‍රවත් සංස්කෘතික අංග රාශියක් ඉදිරිපත් කරන ලදී.

අන්‍ය ජාතීන් සහ ආගම් ගැන සංහිඳියාව හා ආකල්ප වැඩිදියුණු කරවීමේ අරමුණින්  ක්‍රියාත්මක වූ  වැඩසටහන සඳහා  අධිකරණ සහ ජාතික ඒකාබද්ධතා අමාත්‍යාංශයෙන් ලබාදුන් ප්‍රතිපාදන මත, මිනුවන්ගොඩ ප්‍රාදේශීය ලේකම් කාර්යාලයේ ජාතික ඒකාබද්ධතා නිලධාරි බී. ඒ.චමිලා හේමන්ති මහත්මිය විසින් සංවිධානය කරන ලදි.