Divisional Secretariat - Minuwangoda

මිනුවන්ගොඩ ප්‍රාදේශීය ලේකම් තනුජා රාජකරුණා මැතිණියගේ උපදෙස් හා මඟ පෙන්වීම මත සංවිධානය කරන ලද මඤ්ඤොක්කා දන්සල මැයි මස 12 වන වෙසක් පොහෝ දින සවස 4.00 ට මිනුවන්ගොඩ ප්‍රාදේශීය ලේකම් කාර්යාලීය පරිශ්‍රයේදී පූජ්‍ය කළුඅග්ගල සරණසිරි ස්වාමීන් වහන්සේගේ විසින් ආගමික වතාවත් සිදු කිරීමෙන් අනතුරුව ආරම්භ කරන ලදී. මෙම කාර්ය සාර්ථක කර ගැනීම සඳහා කාර්යාල නිලධාරින් ද දායක්තවය ලබාදුනි.

මිනුවන්ගොඩ විහාරාධිපති සංගමය මඟින් සංවිධානය කරන ලද පිණ්ඩපාත චාරිකාවෙහි ස්වාමීන් වහන්සේලා උදෙසා දහවල දානය ලබාදීම මිනුවන්ගොඩ ප්‍රාදේශීය ලේකම් තනුජා රාජකරුණා මැතිණියගේ ප්‍රධානත්වයෙන් මිනුවන්ගොඩ ප්‍රාදේශීය ලේකම් කාර්යාලයේ දී සිදු කරන ලදී. මේ සඳහා කාර්යාල නිලධාරින්ගේ දායකත්වය ලබාදෙන ලදී.

මිනුවන්ගොඩ ප්‍රාදේශීය ලේකම් කාර්යාලයීය Green Team – Minuwangoda ඒකකය මඟින් 2025.03.28 වන දින හෙන්ඩිමහර සේවා පියස හා පාර දෙපස පිරිසිදු කිරීමේ වැඩසටහනක් සිදු කරන ලදී.

මිනුවන්ගොඩ ප්‍රාදේශීය ලේකම් තුමිය තනුජා රාජකරුණා මැතිණියගේඋපදෙස් හා මඟ පෙන්වීම මත මෙම වැඩසටහන සාර්ථකව පැවැත්වූ අතර, මේ සඳහා Green Team – Minuwangoda ඒකකයේ නිලධාරීන්, ග්‍රාම නිලධාරීන්, සංවර්ධන නිලධාරීන් මෙන්ම ප්‍රදේශවාසීන් රැසක් සහභාගී විය.

මෙහිදි හෙන්ඩිමහර සේවා පියස පිරිසිදු කිරිම, පාර දෙපස තණකොළ කපා ඉවත් කිරීම හා අපද්‍රව්‍ය (ප්ලාස්ටික් /පොලිතීන්/වීදුරු) ඉවත් කිරීමේ කටයුතු සිදු කරන ලදී.

මිනුවන්ගොඩ ප්‍රාදේශීය ලේකම් තනුජා රාජකරුණා මැතිණියගේ මූලිකත්වයෙන් ගම්පහ දිස්ත්‍රික් රෝහලේ විශේෂඥ මනෝ වෛද්‍ය ආරියවංශ හේරත් මහතා ගේ සම්පත් දායකත්වය යටතේ මිනුවන්ගොඩ කලාපයේ උපදේශන විෂය භාරව කටයුතු කරන ගුරු මහත්ම, මහත්මීන් පුහුණු කිරීමේ වැඩසටහනක් 2025.04.04 වෙනි දින කලාප අධ්‍යාපන කාර්යාලයේදී පැවැත්විනි .

මෙම වැඩසටහන සංවිධානය කරගැනීමේ දී මිනුවන්ගොඩ සෞඛ්‍ය වෛද්‍ය නිලධාරි අනුජ ප්‍රනාන්දු මහතා, වෛද්‍ය දයාන් සමරසේකර මහතා සහ ගුරු උපදේශක සිසිර මහතා ද සහයෝගය ලබා දෙන ලදි.

උපදේශන අංශ භාර අධ්‍යාපන අධ්‍යක්ෂ හේමන්ති විජේකෝන් මහ්මිය සහභාගි විය.

විධිමත් පාසල් උපදේශන සේවාවක ක්‍රියාකාරිත්වය සහ සම්බන්ධීකරණ කටයුතු මිනුවන්ගොඩ ප්‍රාදේශීය ලේකම් තුමියගේ උපදෙස් පරිදි උපදේශන නිළධාරී ජේ.කේ.නිමාලි ප්‍රියන්ගනී පෙරේරා මහත්මිය විසින් සිදු කරන ලදි .

මෙම වැඩසටහන සදහා ගම්පහ ප්‍රාදේශීය සෞඛ්‍ය වෛද්‍ය නිලධාරි කාර්යාලයෙහි වෛද්‍ය ඉන්දිකා මහ්මිය ද සහභාගි වී දැනුවත් කිරීමේ දේශනයක් පවත්වන ලදි.

මිනුවන්ගොඩ ප්‍රාදේශීය ලේකම් කාර්යාලයීය Green Team – Minuwangoda මිනුවන්ගොඩ ප්‍රාදේශීය සභාවේ සහයෝගය ඇතිව 2025.02.28 වන දින මාබොදල වැව අවට පිරිසිදු කිරීමේ වැඩසටහනක් දියත් කරන ලදී. මිනුවන්ගොඩ ප්‍රාදේශීය ලේකම් තුමිය තනුජා රාජකරුණා මැතිණියගේ ප්‍රධානත්වයෙන් මෙම වැඩසටහන සාර්ථකව පැවැත්විණි. මේ සඳහා මිනුවන්ගොඩ Green Team – Minuwangoda නිලධාරීන්,ග්‍රාම නිලධාරීන්, සංවර්ධන නිලධාරීන්, මිනුවන්ගොඩ ප්‍රාදේශීය සභාවේ නිලධාරීන් මෙන්ම ප්‍ර දේශවාසීන් රැසක් ඉතා කාර්යත්ෂමව සහභාගී විය. මෙය මිනුවන්ගොඩ කොට්ඨාශයේ පැවැත්වූ පළමු Clean Sri Lanka වැඩසටහන ද විය.

මෙහිදී මාබොදල වැව අවට ඇති අපද්‍රව්‍ය (ප්ලාස්ටික් /පොලිතීන්/වීදුරු) ඉවතත් කිරීම, වැව අවට තණකොළ කපා ඉවත් කිරීම, JCB යන්ත්‍රයක් ආධාරයෙන් වැව අවට ඇති වැටකෙයියා පඳුරු ඉවත් කිරීම, වැව තුළ ඇති අපදුව්‍ය ඉවත් කිරීම, වැව අවට ඇති ක්‍රියා විරහිත වීදි පහන් අළුත්වැඩියා කිරීම වැනි දෑ සිදුකරනු ලැබීය.