2026 ජගත් පරිසර දිනයට සමගාමීව පරිසර අමාත්‍යාංශයේ ප්‍රතිපාදන හා මිනුවන්ගොඩ ප්‍රාදේශීය ලේකම්තුමියගේ උපදෙස් හා මඟ පෙන්වීම මත “දේශගුණික විපර්යාසවල බලපෑම අවම කිරීමට ක්‍රියාත්මක වෙමු” තේමාව යටතේ ජගත් පරිසර දින සැමරුම් වැඩ සටහනක් මිනු/ ජනාධිපති විද්‍යාලයේ දී පැවැත්විණි. මෙම අවස්ථාවට සහකාර ප්‍රාදේශීයලේකම් අයෝධ්‍යා දිසානායක මිය, අතිරේක දිස්ත්‍රික් රෙජිස්ට්‍රාර් අයි.පී.ඒ. සුරංජි මිය ඇතුළු නිලධාරීන් පිරිසක් සහභාගී විය.
මෙහිදි ඔසු උයනක් සකස් කිරීම සඳහා ඔසුපැළ හා ඒවාට අදාළ නාමපුවරු ලබාදීම ද, 6 – 10 කණිෂ්ඨ අංශය සඳහා දේශගුණික සෞභාග්‍ය අත් දකිමු යන මාතෘකාව යටතේ පැවැත්වූ චිත්‍ර තරඟයේ ජයග්‍රාහකයන් සඳහා ත්‍යාග හා සහතිකපත් ප්‍රදානය කිරීම ද සිදුවිය.
මෙම අවස්ථාවට සහභාගී වූ සිසු දරුවන් වෙත කුසලතා සහතික පත් පිරිනැමුණු අතර, මිනුවන්ගොඩ ප්‍රාදේශීය ලේකම් කාර්යාලීය Green Team කණ්ඩායමද මේ අවස්ථාවට සහභාගී විය.
