ප්‍රාදේශීය ලේකම් කාර්යාලය - මිනුවන්ගොඩ

මිනුවන්ගොඩ ප්‍රාදේශීය ලේකම් තනූජා රාජකරුණා මැතිණියගේ මඟ පෙන්වීම හා උපදෙස් මත මිනුවන්ගොඩ ප්‍රාදේශීය ලේකම් කාර්යාලය හා බහු ආබාධ සහිත  පුද්ගලයන්ගේ ස්වශක්ති සංවිධානය එක්ව සංවිධානය කල  බක්මහ උළෙල 2026/04/24 දින මිනුවන්ගොඩ පරාක්‍රම ක්‍රීඩාංගණයේදී ඉතා සාර්ථකව පවත්වන ලදී. ප්‍රදේශයේ ආබාධිත පුද්ගලයන් හා දූ දරුවන් විශාල පිරිසක් ඊට සහභාගී වූහ.

ප්‍රධාන ආරාධිත අමුත්තා ලෙස ප්‍රාදේශීය ලේකම් තනුජා රාජකරුණා මැතිණිය සහභාගී විය. තවද මෙම අවස්ථාවට දිස්ත්‍රික් සමාජ සේවා නිලධාරි සී. කස්තුරිආරච්චි මහතා, වෛජයන්ති කලායතනයේ අධ්‍යක්ෂිකා ආශා වෛජයන්ති මාලා මිය, ප්‍රාදේශීය ලේකම් කාර්යාලයේ මාණ්ඩලික නිලධාරින් ඇතුළු අනෙක් නිලධාරින් ද මේ සඳහා සහභාගී විය.

බෝටියාවත්ත සිත් සහන පදනමේ දරුවන්ගේ රැඟුම් ගැයුම් මැද අලියාට ඇහැ තැබීම, සංගීත තොප්පි තරඟය, අන්ධයාට කිරි කැවීම, විවිධ ඇඳුම් තරඟය, අවුරුදු කුමරා  හා කුමරිය තේරීම ඇතුළු තරඟ රැසක් එදින පවත්වන ලදී.

මෙම බක්මහ උලළේ සංවිධාන කටයුතු සමාජ සේවා නිලධාරි ඩී.ජී. චන්ද්‍රසෝම මහතා ඇතුළු සමාජ සේවා අංශය විසින් සිදු කරන ලදී.

කාන්තා දිනයට සමගාමීව පළාත් සභා දිස්ත්‍රික් සංවර්ධන වැඩ සටහන යටතේ මිනුවන්ගොඩ ප්‍රාදේශීය ලේකම් කොට්ඨාශයේ කාන්තාවන්ගේ ව්‍යවසායකත්වය නඟා සිටුවීමේ අරමුණින් ග්‍රාම නිලධාරි වසම් 16 ක පවත්වන ලද ස්වයං රැකියා පුහුණු පාඨමාලා අවසන් කරන ලද පුහුණුලාභීන් 175 දෙනෙකු සඳහා සහතික පත්‍ර ලබාදීමේ පළමු අදියර 2026.03.10 දින සවස මිනුවන්ගොඩ ප්‍රාදේශීය ලේකම් තනූජා රාජකරුණා මැතිණියගේ ප්‍රධානත්වයෙන් ප්‍රාදේශීය ලේකම් කාර්යාලීය ශ්‍රවණාගාරයේදී පවත්වන ලදී.

මෙම අවස්ථාවට ප්‍රධාන ආරාධිත අමුත්තා ලෙස ගරු පාර්ලිමේන්තු මන්ත්‍රී රුවන්තිලක ජයකොඩි මහතා සහභාගී විය.

මෙහිදි කේක් පාඨමාලා 2 ක්, රූපලාවන්‍ය පාඨමාලා 04 ක් හා කෙටිකෑම පාඨමාලා 02 ක පුහුණු පාඨමාලාභීන් මෙහිදි සහතික පත් ලබා ගන්නා ලදී.

මෙම වැඩ සටහන සැලසුම් අංශයේ පළාත් සභා සංවර්ධන සහකාර සංජීවනි අබේරත්න මහත්මිය විසින් සංවිධානය කළ අතර, සහකාර අධ්‍යක්ෂ ආශා සිරිවර්ධන මහත්මිය විසින් අධීක්ෂණ කටයුතු සිදු කරන ලදී.

දීපව්‍යාප්තව ක්‍රියාත්මක  "Clean Sri Lanka " ජාතික වැඩසටහනට සමගාමීව කර්මාන්ත හා ව්‍යවසාය සංවර්ධන අමාත්‍යාංශය යටතේ ජාතික ඵලදායිතා ලේකම් කාර්යාලය මගින් ක්‍රියාත්මක කරන "දැය නංවන සපිරි ගමක්” ප්‍රජා ඵලදායිතා ආදර්ශ ගම්මාන වැඩසටහනට අදාළව මිනුවන්ගොඩ

ප්‍රාදේශීය ලේකම් කොට්ඨාසයේ 105 හොරම්පැල්ල දකුණ වසම මූලික කොට ගනිමින් එහි සමාරම්භක උළෙල යකහටුව ශ්‍රී විවේකාරාම  විහාරස්ථානයේදී 2026.03.16 වෙනි දින පවත්වන ලදී.

Clean Sri Lanka ජාතික වැඩසටහන, කර්මාන්ත හා ව්‍යවසායකත්ව සංවර්ධන අමාත්‍යංශය, ජාතික ඵලදායිතා ලේකම් කාර්යාලය, දිස්ත්‍රික් ලේකම් කාර්යාලය සහ ප්‍රාදේශීය ලේකම් කාර්යාලය යන ආයතන ඒකාබද්ධව ජාතික ව්‍යාපෘතියක් වශයෙන් දිවයින පුරා ආරම්භ කරන ලද මෙම ව්‍යාපෘතියේ අරමුණ වන්නේ ඵලදායිතා සංකල්පය ගමට, නිවසටම ගෙන ඒමයි. ප්‍රජාවගේ

• •අධ්‍යාපනය
• •ආර්ථිකය
• •සෞඛ්‍යය හා සනීපාරක්ෂාව
• •ගෘහස්ථ කළමනාකරණය හා සමාජ යහපැවැත්ම
• •සංස්කෘතික සහ අධ්‍යාත්මික සංවර්ධනය

* පරිසර සංරක්ෂණය  යන ප්‍රධාන පරමාර්ථ මෙම වැඩසටහන තුළින් ඉටු කිරීමට බලාපොරොත්තු වන අතර, ගැටලු අවබෝධ කරගනිමින් සමාජය තුළ වෙනසක් ඇති කිරීමේ දීර්ඝ කාලීන වැඩ පිළිවෙලක් වශයෙන් මෙය ක්‍රියාත්මක වේ.

ගම්පහ දිස්ත්‍රික් ගරු පාර්ලිමේන්තු මන්ත්‍රී, මිනුවන්ගොඩ ප්‍රාදේශීය සම්බන්ධීකරණ කමිටු ගරු සභාපති රුවන්තිලක ජයකොඩි මැතිතුමා , Clean Sri Lanka වැඩසටහනෙහි  මිනුවන්ගොඩ කොට්ඨාශ සම්බන්ධීකාරක විමුක්ති රංග රාජපක්ෂ මහතා සහ මිනුවන්ගොඩ ප්‍රාදේශීය ලේකම් තනූජා රාජකරුණා  මහත්මිය ඇතුළු ආරාධිතයින්ගේ සහභාගීත්වයෙන් පැවති මෙම වැඩසටහන ප්‍රජාවගේ සහභාගිත්වයෙන් ශ්‍රමදාන වැඩසටහනක්, ප්‍රාදේශිය ලේකම් කාර්යාලයේ සංස්කෘතික නිලධාරී සංජය ප්‍රියදර්ශන මහතා⁣ විසින් ගී රසවින්දන වැඩසටහනක් මෙන්ම තවත් අගනා සංස්කෘතික අංග කිහිපයකින් සමන්විත විය. 

මේ සඳහා ඵලදායිතා සංවර්ධන නිලධාරින්, ක්ෂේත්‍ර නිලධාරීන් සහ ⁣හොරම්පැල්ල හා අනෙකුත් වසම්වල රාජ්‍ය නිලධාරීන් සහ ගම්වාසීන් රැසක් එක්ව සිටියහ.

මිනුවන්ගොඩ ප්‍රාදේශීය ලේකම් තනූජා රාජකරුණා මැතිණියගේ මඟ පෙන්වීම හා උපදෙස් මත ජාත්‍යන්තර කාන්තා දිනය සැමරුම වෙනුවෙන් සංවිධානය කරන ලද 'ආකල්ප සංවර්ධනය සඳහා ගී රසවින්දන' වැඩසටහනක් 2026.03.10 දින මිනුවන්ගොඩ ප්‍රාදේශීය ලේකම් කාර්යාලීය ශ්‍රවණාගාරයේදී පැවැත් විය. මේ සදහා සම්පත් දායකත්වය  මනෝවිද්‍යා උපදේශන නිලධාරී නිමාලි පෙරේරා මහත්මිය සමඟ ගායන ශිල්පිනි ස්වර්ණා ජයකොඩි මහත්මිය විසින් ලබා දෙන ලදී.

ගරු පාර්ලිමේන්තු මන්ත්‍රී රුවන්තිලක ජයකොඩි මැතිතුමා ප්‍රධාන ආරාධිත අමුත්තා ලෙස සහභාගි වූ අතර මිනුවන්ගොඩ කාන්තා කාර්‍ය සංවිධාන නියෝජනය කරමින් සාමාජිකාවන් 180 ක් සහ කාර්යාලයේ නිලධාරීන් ද ඇතුළුව 200කට අධික පිරිසක් සහභාගි විය.

මෙම වැඩ සටහනේ සංවිධාන කටයුතු ප්‍රාදේශීය ලේකම් කාර්යාලයේ වනිතා අංශය සමඟ මිනුවන්ගොඩ කාන්තා බල මණ්ඩලය විසින් සිදු කරන ලදී.